ការចុះហត្ថលេខាគាំទ្រ

ផែនដីកំពុងក្តៅ។ ភាពញឹកញាប់ និងកម្រិតខ្លាំងនៃគ្រោះមហន្តរាយអាកាសធាតុ ដូចជារលកកម្ដៅ ភ្លៀងធ្លាក់ខ្លាំង ព្រិលធ្លាក់ខ្លាំង និងរលកត្រជាក់កំពុងកើនឡើង។ ការអភិវឌ្ឍឧស្សាហកម្មជឿនលឿន ដែលបាននាំមកនូវវិបុលភាពនៃអរិយធម៌សម័យទំនើប បានបន្សល់ទុកដល់មនុស្សជាតិនូវបញ្ហាដ៏ធំសម្បើមនៃការបំពុលបរិស្ថាន និងការឡើងកំដៅផែនដី។

ដើម្បីយកឈ្នះលើវិបត្តិរួមដែលមនុស្សជាតិទូទាំងពិភពលោកកំពុងប្រឈមមុខ នោះត្រូវតែមានការយកចិត្តទុកដាក់ និងកិច្ចខិតខំប្រឹងប្រែងយ៉ាងសកម្មពីគ្រប់ប្រជាជាតិ និងគ្រប់វ័យ។ មនុស្សជំនាន់មុន មានអារម្មណ៍ពីទំនួលខុសត្រូវចំពោះភពផែនដីដែលពួកគេបានរស់នៅរហូតមកដល់ពេលនេះ ឯមនុស្សជំនាន់ក្រោយមានអារម្មណ៍អន្ទះសាចំពោះភពផែនដីដែលមាននិរន្តរភាព។

ក្នុងនាមជា "អ្នកគាំទ្រក្ដីសង្ឃឹម" ដែលចែកចាយក្ដីសង្ឃឹមជាមួយមនុស្សទូទាំងពិភពលោក សមាជិកពួកជំនុំនៃព្រះដែលមាននៅ៧៥០០តំបន់ ក្នុង១៧៥ប្រទេស សូមប្រកាសថា នឹងធ្វើសកម្មភាពសម្រាប់ "ការឆ្លើយតបនឹងបម្រែបម្រួលអាកាសធាតុ" ជាមួយមនុស្សគ្រប់ជំនាន់ ដូចតទៅ។

មាតិកាសកម្មភាព

• 1
  យើងនឹងខិតខំកាត់បន្ថយកាបូន និងការពារប្រព័ន្ធអេកូឡូស៊ី ដោយការពារមិនឱ្យកាកសំណល់ប្លាស្ទិកហូរចូលទៅក្នុងមហាសមុទ្រ និងពង្រីកសកម្មភាពរបស់ពលរដ្ឋ ដើម្បីកាត់បន្ថយប្លាស្ទិក។
• 2
  យើងនឹងដាំដើមឈើ និងការពារព្រៃឈើ ដើម្បីបង្កើនសមត្ថភាពនៃការស្រូបយកកាបូន ខិតខំថែរក្សាជីវចម្រុះ ហើយបង្កើត «ព្រៃឈើនៃក្តីសង្ឃឹម» ខៀវស្រងាត់នៅជុំវិញពិភពលោក។
• 3
  យើងនឹងពង្រីកការអនុវត្តកាត់បន្ថយកាបូននៅផ្ទះ សាលារៀន និងកន្លែងធ្វើការ ដើម្បីបង្កើតដាននៃក្តីសង្ឃឹម មិនមែនដានកាបូនទេ ក្នុងជីវិតប្រចាំថ្ងៃរបស់យើង។
• 4
  យើងនឹងធ្វើសកម្មភាពសង្គ្រោះ ដូចជាស្ដារតំបន់រងការខូចខាត និងជួយជនរងគ្រោះ នៅកន្លែងដែលមានគ្រោះមហន្តរាយអាកាសធាតុសកល ឱ្យក្រោកឈរឡើងវិញ ដើម្បីបង្កើនភាពធន់របស់សហគមន៍។
• 5
  យើងនឹងសហការជាមួយគ្រប់មជ្ឈដ្ឋាន រួមទាំងអង្គការអន្តរជាតិ រដ្ឋាភិបាល រដ្ឋាភិបាលក្នុងតំបន់ ស្ថាប័ន អង្គការ ក្រុមហ៊ុន និងអ្នកជំនាញ ដើម្បីជំរុញសហគមន៍អន្តរជាតិឱ្យចូលរួមក្នុងការឆ្លើយតបនឹងបម្រែបម្រួលអាកាសធាតុ និងលើកកម្ពស់ការយល់ដឹងរបស់សាធារណៈ។